ກ່ຽວກັບ MRLG

ໂຄງການ MRLG ແມ່ນໂຄງການຮ່ວມມືທີ່ອຸທິດຕົນເພື່ອປົກປ້ອງສິດຄອບ​ຄອງໃນທີ່ດິນ ແລະ ສົ່ງເສີມການພັດທະນາແບບຍືນຍົງໃນພາກພື້ນແມ່ນໍ້າຂອງ. ພວກເຮົາເຊື່ອວ່າທີ່ດິນແມ່ນຊັບພະຍາກອນພື້ນຖານ ທີ່ຈໍາເປັນສໍາລັບການດໍາລົງຊີວິດ ແລະ ສະ​ແດ​ງ​ອອກ​ເຖີງເອກະລັກທາງວັດທະນະທໍາຂອງຊຸມຊົນ. ເຖິງຢ່າງໃດກໍຕາມ, ການລົງທຶນໃນພື້ນຖານໂຄງລ່າງ, ທຸລະກິດ​​ດ້ານ​ກະ​ສິ​ກຳ, ແລະ ໂຄງການພັດທະນາຕ່າງໆກໍາລັງເພີ່ມຄວາມກົດດັນຕໍ່ຊັບພະຍາກອນທີ່ດິນ ເຊິ່ງເປັນໄພຂົ່ມຂູ່ຕໍ່ວິຖີຊີວິດຂອງຊາວກະສິກອນຂະໜາດນ້ອຍຫຼາຍຄົນ.

• ເພື່ອບັນທຶກ ແລະ ຮັບປະກັນສິດຄອບຄອງຕາມປະເພນີຂອງຊຸມຊົນ.
• ເພື່ອສົ່ງເສີມການຈັດຕັ້ງປະຕິບັດກ່ຽວ​ກັບການລົງທຶນດ້ານກະສິກໍາ ທີ່ມີຄວາມຮັບຜິດຊອບເປັນປະໂຫຍດຕໍ່ກັບຊາວກະສິກອນ ແລະ ນັກລົງທຶນ.
• ເພື່ອເຂົ້າ​ມີ​ສ່ວນ​ຮ່ວມ ແລະ ປັບປຸງນະໂຍບາຍ ແລະ ການຈັດຕັ້ງປະຕິບັດທີ່ດິນໃນທຸກລະດັບ.

ວິທີການຂອງພວກເຮົາ:

• ການສ້າງ​ຄວາມ​ອາດ​ສາ​ມາດ​ໃຫ້ຄູ່​ຮ່ວມ​ຜູ້​ຈັດ​ຕັ້ງ​ປະ​ຕິ​ບັດ​ໂຄງ​ການ: ພວກເຮົາໃຫ້​ການ​ສະ​ໝັບ​ສະ​ໜູນກັບທາງລັດຖະບານ, ອົງການຈັດຕັ້ງທາງສັງຄົມ, ພາກເອກະຊົນ ແລະ ສະຖາບັນການສຶກສາ ເພື່ອນຳໃຊ້ຄວາມຊ່ຽວຊານທີ່ຫຼາກຫຼາຍ ແລະ ສ້າງຄວາມເອກະພາບເພື່ອກ້າວໄປສູ່ການປັບ​ປຸງ ແລະ ປ່ຽນ​ແປງ.
• ການຈັດຕັ້ງປະຕິບັດທີ່ເປັນຈຸດສຸມ: ພວກເຮົາຈັດຕັ້ງປະຕິບັດຢູ່ໃນສອງຂົງເຂດທີ່ສໍາຄັນ: ການຮັບຮູ້ສິດຄອບຄອງນຳ​ໃຊ້​ທີ່​ດິນຕາມປະເພນີ ແລະ ການລົງທຶນດ້ານກະ​ສິ​ກຳທີ່ມີຄວາມຮັບຜິດຊອບ.
• ການ​ມີ​ສ່ວນ​ຮ່ວມຫຼາຍລະດັບ: ພວກເຮົາຈັດຕັ້ງປະຕິບັດໃນລະດັບພາກພື້ນ, ລະດັບປະເທດ ແລະ ລະດັບທ້ອງຖິ່ນເພື່ອ​ເສີມສ້າງການປ່ຽນແປງທີ່ຍືນຍົງ​.
• ການຈັດຕັ້ງປະຕິບັດຕົວຈິງ: ພວກເຮົາສະໜັບສະໜູນໂຄງການທົດລອງຕ່າງໆ, ດໍາເນີນການຄົ້ນຄ້ວາ, ອໍານວຍຄວາມສະດວກໃນການສົນທະນາ ແລະ ແບ່ງປັນຜົນ​ຂອງການຈັດຕັ້ງປະຕິບັດ​ຕົວ​ຈີງທີ່ດີທີ່ສຸດ.

Our Strategy

MRLG ຈັດຕັ້ງປະຕິບັດກິດຈະກໍາຕ່າງໆຢູ່ໃນປະເທດກໍາປູເຈຍ, ລາວ, ມຽນມາ ແລະ ຫວຽດນາມ, ແລະ ໃນລະດັບ ພາກພື້ນແມ່ນໍ້າຂອງ.

1. ການປະຕິຮູບນະໂຍບາຍ ແລະ ກົດໝາຍ:

• ການວິເຄາະນະໂຍບາຍ ແລະ ການສົ່ງເສີມການຄຸ້ມຄອງທີ່ດິນໃຫ້ດີຂຶ້ນ.
• ການຮ່າງ ແລະ ການທົບທວນຄືນກົດໝາຍເພື່ອຮັບປະກັນຄວາມສອດຄ່ອງກັບການຈັດຕັ້ງປະຕິບັດທີ່ດີທີ່ສຸດ.

2. ການສ້າງຂີດຄວາມອາດສາມາດ ແລະ ສ້າງຄວາມເຂັ້ມແຂງຊຸມຊົນ:

• ແຜນງານການຝຶກອົບຮົມໃຫ້ບັນດາຜູ້ມີສ່ວນຮ່ວມເພື່ອຄຸ້ມຄອງທີ່ດິນ ແລະ ສົ່ງເສີມສິດທິຕ່າງໆ.
• ການເຄື່ອນ​ໄຫວ​ຈັດ​ຕັ້ງ​ປະ​ຕິ​ບັດ​ກິດ​ຈະ​ກຳ​ຂັ້ນຊຸມຊົນ ແລະ ການສ້າງການມີສ່ວນຮ່ວມຂອງຊຸມຊົນເພື່ອຮັບປະກັນການໄດ້ຮັບ​ເອົາ​ສຽງຂອງ​ຊຸມ​ຊົນ​ເຂົ້າໃນ​ການ​ພິ​ຈາ​ລະ​ນາ.
• ການໂຄສະນາປູກຈິດສໍານຶກເພື່ອໃຫ້ຄວາມຮູ້ແກ່ຊຸມຊົນກ່ຽວກັບ​ກຳ​ມິ​ສິດ​ການ​ຄອບ​ຄອງທີ່ດິນ.

3. ການສົ່ງເສີມແນ​ວ​ຄວາມ​ຄິ​ທີ່​ສ້າງ​ສັນ ແລະ ການຈັດຕັ້ງປະຕິບັດຕົວ​ຈີງທີ່ດີທີ່ສຸດ:

• ໂຄງການທົດລອງສະແດງໃຫ້ເຫັນເຖິງວິທີການ​ຄອບຄອງທີ່ດິນແບບສ້າງສັນ.
• ການແບ່ງປັນການສຶກສາຄົ້ນຄ້ວາ ແລະ ຄວາມຮູ້ເພື່ອແນະນໍາການອອກແບບນະໂຍບາຍ ແລະ ແຜນງານ.
• ການເຜີຍແຜ່ຊັບພະຍາກອນຕ່າງໆ ລວມທັງ ຊັບພະຍາກອນທາງດ້ານການເງິນ, ຄວາມຊໍານານ, ເຄື່ອງມື ແລະ ຄໍາແນະນໍາຕ່າງໆ.

4. ການຮ່ວມມືຫຼາຍຝ່າຍ:

• ເວທີຜູ້ມີສ່ວນຮ່ວມຫຼາຍຝ່າຍສໍາລັບການປຶກສາຫາລື ແລະ ການຮ່ວມມື.
• ຄວາມພະຍາຍາມສ້າງຄວາມຮັບຮູ້ຮ່ວມກັນເພື່ອສົ່ງເສີມການຈັດຕັ້ງປະຕິບັດທີ່ດີທີ່ສຸດ.
• ການສ້າງເຄືອຂ່າຍ ແລະ ການແລກປ່ຽນຄວາມຮູ້ໃນທົ່ວພາກພື້ນແມ່ນໍ້າຂອງ.

5. ການຕິດຕາມ ແລະ ການປະເມີນຜົນ:

• ການຕິດຕາມຄວາມຄືບໜ້າ ແລະ ການປະເມີນຜົນກະທົບຂອງກິດຈະກໍາຕ່າງໆ.
• ການຮຽນຮູ້ ແລະ ການປັບຕົວເພື່ອປັບປຸງວິທີການການ​ຈັດ​ຕັ້ງ​ປະ​ຕິ​ບັດຂອງ​ໂຄງ​ການMRLG.
• ການແບ່ງປັນບົດຮຽນທີ່ຖອດຖອນຕ່າງໆ​ຈາ​ກ​ການ​ຈັດ​ຕັ້ງ​ປະ​ຕິ​ບັດເພື່ອແນະນໍາແນວຄວາມຄິດລິເລີ່ມໃນອະນາຄົດ.

6. ເອກະສານ ແລະ ການເຜີຍແຜ່:

• ກໍລະນີສຶກສາ ແລະ ບົດເລື່ອງຕ່າງໆ ທີ່​ປະ​ສົບ​ຜົນ​ສໍາເລັດເພື່ອສ້າງແຮງບັນດານໃຈ ແລະ ນໍາສະເໜີບົດ​ຮຽນ​ທີ່​ມີປະສິດທິຜົນ​ດັ່ງ​ກ່າວ.
• ເຄື່ອງມືໃຫ້ຄວາມຮູ້ຕ່າງໆລວມມີ: ປຶ້ມເລື່ອງ​ຫຍໍ້, ບົດຂຽນ, ບົດສະຫຼຸບ​ດ້ານນະໂຍບາຍ ແລະ ບົດລາຍງານການຄົ້ນຄວ້າ.
• ກິດຈະກໍາການມີສ່ວນຮ່ວມກັບສື່ມວນຊົນ ແລະ ປະຊາຊົນທົ່ວໄປ ເພື່ອ​ເສີມສ້າງຄວາມຮັບຮູ້​ສູ່​ສາ​ທາ​ລະ​ນະ​ຊົນ.

Project Governance

The MRLG project is governed by a Project Steering Committee (PSC). The PSC is comprised of representatives of the project donors (SDC, BMZ and Luxembourg) in Lao PDR. The role of the PSC is to provide technical and managerial direction and implementation oversight.

To support the PSC, in each country a National Advisory Committee (NAC) is established to provide oversight and advise on project activities. The NAC brings together a variety of voices, from government, civil society, academia, media and the private sector.