MRLG သည် ၂၀၁၄ ခုနှစ်ကပင် ကမ္ဘောဒီးယား၊ လာအို၊ မြန်မာနှင့် ဗီယက်နမ်နိုင်ငံများရှိ လုပ်ကွက်ငယ်တောင်သူ များ နှင့်ဌာနေတိုင်းရင်းသားများ၏ မြေယာလုပ်ပိုင်ခွင့်အခွင့်အရေးများ တိုးတက်ခိုင်မာလာစေရန် ထဲထဲဝင်ဝင်ဆောင်ရွက် လာခဲ့သည်။ စီမံကိန်း အဆင့် ၁ နှင့် ၂ တွင် မတူကွဲပြားသည့်မြေယာစီမံအုပ်ချုပ်မှုဆိုင်ရာကိစ္စရပ်များနှင့် မိတ်ဖက်ဆောင်ရွက် မှုများကို အဓိကဆောင်ရွက်ခဲ့သည်။ စီမံကိန်း၏ အဆင့် ၃ တွင်မူ ပြုပြင်ပြောင်းလဲရေးဖော်ဆောင်သူများ/အဖွဲ့ အစည်းများနှင့်ပူးပေါင်းဆောင်ရွက်ခြင်းမှတဆင့် မူဝါဒအကောင်အထည်ဖော်မှုနှင့် အိမ်ထောင်စုအဆင့် သက် ရောက်မှုများကို အဓိကထား ဆောင်ရွက်လျက်ရှိသည်။ စီမံကိန်းသည် လုပ်ကွက်ငယ်တောင်သူအမျိုးသမီးများနှင့်အမျိုးသားများအတွက် မြေယာအခွင့်အရေးများ သာတူညီမျှရရှိနိုင်စေရန်ရည်ရွယ်ပြီး ဓလေ့ထုံးတမ်းမြေယာလုပ်ပိုင်ခွင့် အသိအမှတ်ပြုခြင်းနှင့် တာဝန်သိစိုက်ပျိုးရေးဆိုင်ရာရင်းနှီးမြှုပ်နှံမှုကို အဓိကအချက်အခြာအဖြစ် ထားရှိသည်။ အကြောင်းအရာနယ်ပယ်အားလုံးတွင် ရာသီဥတုပြောင်းလဲမှုနှင့် ဂျန်ဒါရေးရာစဉ်းစားချက်များကို ပေါင်းစည်း ထည့်သွင်းထားပြီး ရေရှည်တည်တံ့၍ အားလုံးအတူတကွပူးပေါင်းပါဝင်နိုင်သည့် မြေယာစီမံအုပ်ချုပ်မှုဆီသို့ ချဉ်းကပ် ဆောင်ရွက်မှုကို မြှင့်တင်ပေးလျက်ရှိသည်။ MRLG ၏စီမံကိန်းအကောင်အထည်ဖော်ရေးရုံး (PIU) သည် လာအိုနိုင်ငံမှနေ၍ ကြိုးပမ်းမှုများကို ကမ္ဘောဒီးယား၊ မြန်မာနှင့် ဗီယက်နမ်တို့တွင်ထားရှိသောရုံးခွဲများဖြင့် ပူးပေါင်းဆောင်ရွက်လျက်ရှိသည်။
