MRLG (မဲခေါင်ဒေသမြေယာအုပ်ချုပ်မှုစီမံကိန်း)အကြောင်း

MRLG သည် မဲခေါင်မြစ်ဝှမ်းဒေသအတွင်း ရေရှည်တည်တံ့သော ဖွံ့ဖြိုးတိုးတက်မှုကို မြှင့်တင်ရန်နှင့် မြေယာအခွင့် အရေးများကို အကာအကွယ်ပေးရန်အတွက် ပူးပေါင်းဆောင်ရွက်သည့် စီမံကိန်းတစ်ခုဖြစ်သည်။ မြေယာသည် လူ့ အသိုက်အဝန်းများ၏ အသက်မွေးဝမ်းကျောင်းမှုနှင့် ယဉ်ကျေးမှုဆိုင်ရာသွင်ပြင်လက္ခဏာရပ်များအတွက် မရှိမဖြစ် အခြေခံအရင်းအမြစ်တစ်ခုဖြစ်သည်သည်။ သို့သော်လည်း အခြေခံအဆောက်အအုံ၊ လယ်ယာ စီးပွားရေးနှင့် ဖွံ့ဖြိုးတိုးတက်ရေးစီမံကိန်းများတွင် ရင်းနှီးမြှုပ်နှံမှုများသည် မြေအရင်းအမြစ်များအပေါ် ဖိအားများတိုးလာစေပြီး လုပ်ကွက်ငယ်တောင်သူများ နှင့် ဌာနေတိုင်းရင်းသားများ၏ ဘဝနေထိုင်မှုပုံစံကို ခြိမ်းခြောက်လျက်ရှိသည်။

• ရပ်ရွာလူထု၏ဓလေ့ထုံးတမ်းလုပ်ပိုင်ခွင့်များကို မှတ်တမ်းတင်ရန်နှင့်ခိုင်မာစေရန်
• တောင်သူများအတွက်သာမက ရင်းနှီးမြှုပ်နှံသူများအတွက်လည်းအကျိုးပြုသည့် တာဝန်သိ စိုက်ပျိုးရေး ရင်းနှီးမြှုပ်နှံမှုဆိုင်ရာအလေ့အကျင့်များကို ထောက်ခံအားပေးရန်
• အဆင့်တိုင်းတွင် မြေယာစီမံအုပ်ချုပ်မှု မူဝါဒများနှင့်အလေ့အကျင့်များကို လွှမ်းမိုးသက်ရောက်နိုင်ရန် နှင့် တိုးတက်ကောင်းမွန်အောင်လုပ်နိုင်စေရန်

ကျွန်ုပ်တို့ချဉ်းကပ်မှု

• မဟာမိတ်များတည်ဆောက်ခြင်း – စုံလင်ကွဲပြားသောကျွမ်းကျင်မှုများကို အသိအမှတ်ပြုအသုံးချနိုင်ရန်နှင့် ပြုပြင်ပြောင်းလဲမှုဆီသို့ သဘောတူညီချက်တည်ဆောက်ရန် ကျွန်ုပ်တို့သည် အစိုးရများ၊ အရပ်ဘက် အဖွဲ့အစည်းများ၊ ပုဂ္ဂလိက ကဏ္ဍများ၊ ပညာရှင်များနှင့် ပူးပေါင်းဆောင်ရွက် လျက်ရှိသည်။
• အဓိကလုပ်ဆောင်မှုများ – အဓိကနယ်ပယ်နှစ်ခုသည့် ဓလေ့ထုံးတမ်းလုပ်ပိုင်ခွင့်အသိအမှတ်ပြုရေး (Customary Land Tenure ) နှင့် တာဝန်သိ စိုက်ပျိုးရေးဆိုင်ရာရင်းနှီးမြှုပ်နှံမှု (Responsible Agriculture investment)များ တွင် လုပ်ဆောင်လျက်ရှိသည်။
• အဆင့်များစွာတွင်သက်ရောက်မှု – ကျွန်ုပ်တို့သည် ရေရှည်တည်တံ့သောအပြောင်းအလဲကို ဖော်ဆောင် ရန်အတွက် ဒေသအတွင်း၊ နိုင်ငံအတွင်း နှင့် မဲခေါင်မြစ်ဝှမ်းဒေသအသီးသီးတွင် လုပ်ဆောင်လျက်ရှိသည်။
• လက်တွေ့လုပ်ဆောင်မှု – ကျွန်ုပ်တို့သည် ရှေ့ပြေးစီမံချက်များကို ပံ့ပိုးခြင်း၊ သုတေသနပြုခြင်း၊ ဆွေးနွေး မှုများကို လွယ်ကူချောမွေ့စေခြင်းနှင့် အကောင်းဆုံးအလေ့အကျင့်များကို မျှဝေခြင်းတို့ လုပ်ဆောင်လျက်ရှိသည်။

ကျွန်တော်တို့ရဲ့ ဗျူဟာ

MRLG သည် မြေယာစီမံအုပ်ချုပ်မှုနှင့်သက်ဆိုင်သည့်ကိစ္စရပ်များကိုဖြေရှင်းဆောင်ရွက်ရန် နည်းဗျူဟာမျိုးစုံ အသုံးပြုသည် –

၁။ မူဝါဒနှင့်ဥပဒေပြုပြင်ပြောင်းလဲရေး

• မြေယာစီမံအုပ်ချုပ်မှုဖွံ့ဖြိုးတိုးတက်ရေးအတွက် မူဝါဒလေ့လာဆန်းစစ်ခြင်းနှင့် နှိုးဆော်တိုက်တွန်းခြင်း
• အကောင်းဆုံးအလေ့အကျင့်များနှင့်ကိုက်ညီမှုရှိစေရန် ဥပဒေမူကြမ်းပြုစုခြင်းနှင့်ပြန်လည်သုံးသပ်ခြင်း

၂။ စွမ်းဆောင်ရည်တည်ဆောက်ခြင်းနှင့်ရပ်ရွာလူထုစွမ်းဆောင်ရည်မြှင့်တင်ပေးခြင်း

• မြေယာစီမံခန့်ခွဲရန်နှင့် မြေယာအခွင့်အရေးများတိုက်တွန်းနှိုးဆော်ရန် သက်ဆိုင်ပါဝင်သူများအတွက် သင်တန်းအစီအစဉ်များ
• ဒေသခံတို့၏အသံများအား အများ ကြားသိစေရန်အတွက် ရပ်ရွာလူထုအားစည်းရုံးပါဝင်စေခြင်းနှင့် ချိတ်ဆက်ဆောင်ရွက်ခြင်း
• ရပ်ရွာလူထုအား မြေယာအခွင့်အရေးများနှင့်ပတ်သက်၍ အသိပညာပေးရန်အတွက် အသိပညာပေး ခြင်းလှုပ်ရှားမှုများ

၃။ ဆန်းသစ်တီထွင်မှုနှင့် အကောင်းဆုံးအလေ့အကျင့်များကို မြှင့်တင်ပေးခြင်း

• ဆန်းသစ်သည့် မြေယာစီမံခန့်ခွဲမှုနည်းလမ်းများကိုသရုပ်ပြသော ရှေ့ပြေးစီမံချက်များ
• မူဝါဒနှင့် ပရိုဂရမ်ဒီဇိုင်းကိုအထောက်အကူပြုရန် သုတေသနနှင့် အသိပညာမျှဝေခြင်း
• ငွေကြေးအရင်းအမြစ်များ၊ ကျွမ်းကျင်မှုများ၊ နည်းပညာဆိုင်ရာနှင့်လက်တွေ့အသုံးပြု လမ်းညွှန်ချက်များ၊ အရင်းအမြစ်များဖြန့်ဝေခြင်း

၄။ အစုအဖွဲ့ပေါင်းစုံပူးပေါင်းဆောင်ရွက်ခြင်း

• စကားဝိုင်းဆွေးနွေးပွဲများနှင့်ပူးပေါင်းဆောင်ရွက်မှုအတွက် အစုအဖွဲ့ပေါင်းစုံပါဝင်သည့်ပလက်ဖောင်းများ
• အကောင်းဆုံးအလေ့အကျင့်များအား မြှင့်တင်အားပေးရန် ပူးတွဲတိုက်တွန်းနှိုးဆော်မှုများ
• မဲခေါင်မြစ်ဝှမ်းဒေသအနှံ့ ကွန်ရက်ချိတ်ဆက်ခြင်းနှင့် အသိပညာ နှီးနှောဖလှယ်ခြင်း

၅။ လေ့လာစောင့်ကြည့်ခြင်းနှင့်အကဲဖြတ်ခြင်း

• တိုးတက်မှုများကိုမျက်ခြေမပြတ်စောင့်ကြည့်ခြင်းနှင့် အကောင်အထည်ဖော်ဆောင်ရွက်ချက်များ၏ သက်ရောက်မှုကို လေ့လာဆန်းစစ်ခြင်း
• MRLG ၏ချဉ်းကပ်မှုတိုးတက်စေရန် သင်ယူလေ့လာခြင်းနှင့် လိုက်လျောညီထွေဖြစ်အောင်ဆောင်ရွက် ခြင်း
• အနာဂတ်အစီအစဉ်များကို အထောက်အကူပြုနိုင်ရေးအတွက် ရရှိထားသည့်သင်ခန်းစာများမျှဝေပေးခြင်း

၆။ မှတ်တမ်းတင်ခြင်းနှင့် ဖြန့်ဝေခြင်း

• အများစိတ်ဝင်စား မှုပါဝင်လာစေရန်နှင့် အကျိုးရှိထိရောက်မှုကိုပြသရန် ဖြစ်ရပ်မှန်လေ့လာမှုများနှင့် အောင်မြင်မှုဇာတ်လမ်းများ
• စာအုပ်၊ စာတမ်းများ၊ မူဝါဒအကျဉ်းချုပ်များနှင့် သုတေသနအစီရင်ခံစာများ ပါဝင်သော နည်းပညာဆိုင်ရာအထောက်အကူပြုစာတမ်းများ
• မီဒီယာနှင့်အများသူငှာထိတွေ့ဆက်ဆံမှုဆိုင်ရာ အသိပညာပေးလုပ်ငန်းများ

မိတ်ဖက်များ

MRLG ပရောဂျက်ကို Project Steering Committee (PSC) မှ အုပ်ချုပ်သည်။ PSC ကို လာအိုနိုင်ငံရှိ ပရောဂျက်အလှူရှင်များ (SDC၊ BMZ နှင့် လူဇင်ဘတ်) တို့မှ ကိုယ်စားလှယ်များဖြင့် ဖွဲ့စည်းထားသည်။ PSC ၏ အခန်းကဏ္ဍမှာ နည်းပညာပိုင်းနှင့် စီမံခန့်ခွဲမှုဆိုင်ရာ ဦးတည်ချက်နှင့် အကောင်အထည်ဖော်မှုကြီးကြပ်မှုတို့ကို ပံ့ပိုးပေးရန်ဖြစ်သည်။

PSC ကို ပံ့ပိုးကူညီရန်အတွက် နိုင်ငံတစ်ခုစီတွင် အမျိုးသားအကြံပေးကော်မတီ (NAC) ကို ဖွဲ့စည်းပြီး စီမံကိန်းနှင့်ပတ်သက်သော ကြီးကြပ်မှုနှင့် အကြံဉာဏ်များပေးရန်။ NAC သည် အစိုးရဖြစ်သည်။ အရပ်ဘက်အဖွဲ့အစည်းများမှ ပညာရှင်များက မီဒီယာနှင့် ပုဂ္ဂလိကကဏ္ဍတို့မှ အသံမျိုးစုံကို စုစည်းပေးသည်။